Pro-liga 2-turi doirasida bo‘lib o‘tgan “G‘ijduvon” — “Sho‘rtan” uchrashuvidan (1:2 so‘ng mezbonlar bosh murabbiyi Gennadiy Kochnev o‘yin haqida o‘z fikrlarini bildirib o‘tdi.

"O‘yin haqida nima deyishim mumkin? Oxirigacha kuchimiz yetmadi, prinsipial jihatdan o‘yinning birinchi 10 daqiqasi juda og‘ir boshlandi, keyin futbolchilar o‘ziga keldi shekilli, o‘yinni tempini to‘g‘rilashdi. Lekin gol o‘tkazib yubordik.

Ikkinchi bo‘limda ba’zi o‘zgarishlarni amalga oshirdik va hisobni tenglashtirishga erishdik. Durang adolatli natija bo‘lar edi. Agar bizda chetlatish bo‘lmaganida edi, biz mag‘lubiyatga uchramas edik, deb o‘ylayman. Biz mavsumga kech tayyorgarlik ko‘rishni boshlagan edik. O‘yindan o‘yinga kuchayib boramiz. Endi keyingi bahslarga tayyorgarlik ko‘ramiz. Hakam tomonidan belgilangan o‘n bir metrlik jarima zarbalariga hech qanday e’tirozim yo‘q", — dedi g‘ijduvonliklar ustozi.

"Sho‘rtan" PFK matbuot xizmati.