Ammo Kuman bunday deb o‘ylamaydi

Gollandiya terma jamoasida Fransiyaga qarshi Yevro-2024 saralash o‘yini oldidan virusli infeksiya tarqaldi. Bu tufayli Kodi Gakpo, Sven Botman, Matteys de Ligt, Yoey Verman va Bart Verbruggen jamoani tark etishdi - ular o‘z klublariga qaytishdi.

Ketgan olti futbolchi o‘rniga bosh murabbiy Ronald Kuman bor-yo‘g‘i uchta nomzodni chaqirdi - Rayan Gravenberx, Kyell Sxerpen va Stefan de Vrey.

Nima bo‘lganligi hali ham noma’lum

•‎ De Telegraaf xabariga ko‘ra, virus futbolchilar tanasiga chorshanba kuni kechki ovqat uchun berilgan taom bilan birga kirib kelgan. Ma’lumki, taomlardan biri tovuqli kari edi.

•‎ Virjil van Deyk tovuqning mazali ekanligini aytdi: «Bu juda g‘alati edi. Guruh suhbatida to‘satdan ba’zi yigitlar uyga ketayotgani, ular kasal ekanligi haqida xabarlar paydo bo‘ldi. Bu katta zarba bo‘ldi. Men tovuqli kari hikoyasi qayerdan kelganini bilmayman. Men yedim, mazali bo‘ldi. Bu sababmi? Bilmayman. Hech kimning fikri yo‘q. Men hatto tasavvur ham qila olmayman», – dedi «Liverpul» himoyachisi.

•‎ Kuman tovuqli kari infeksiyaga sabab bo‘lganiga ishonmaydi: «Menimcha, bu taxmin qilish vaqti emas. Albatta, federasiyada ham, tibbiyot shtabida ham fikrlar bor, lekin ular hali tasdiqlanmagan. Men futbolga qiziqaman. Seshanba kuni jamoaning bir nechta a’zolari o‘zlarini yomon his qilishdi. Bu taom aybdor ekanligi, mening fikrimcha, haqiqat emas», dedi Kuman.

Terma jamoalar o‘yinlaridagi tanaffus payti Kuman terma jamoa uchun muhim bo‘lgan ikki o‘yinchi - Frenki de Yong va Stiven Bergveynni jarohatlar tufayli yo‘qotdi. Endi ular safiga yana oltita o‘yinchi qo‘shiladi, ulardan uchtasi asosiy tarkibdan joy olishgan.

Ronald shunday yo‘qotishlar bilan jahon vise-chempionlari bilan jang qiladimi?