«Napoli» bosh murabbiyi Luchano Spaletti neapolitanliklar prezidenti Aurelio De Laurentisning vinger Xvicha Kvarasxeliya va himoyachi Kim Min Chje transferlariga shubha bilan qaraganini aytdi.
«De Laurentis bu futbolchilarni imzolashga shubha bilan qaragan. Biz shartnoma imzolashdan oldin kechasi gaplashib olgandik, chunki men oldin Rossiyada ishlaganman, Kvara haqida biroz ko‘proq bilish uchun u yerdagi do‘stlarimga qo‘ng‘iroq qildim.
De Laurentis RPL va A Seriya o‘rtasidagi tafovutga shubha bilan qaradi, ammo hozirgi kunlarda futbolda chegaralar yupqalashmoqda», - deya Spallettining so‘zlarini keltiradi TMW Radio.
Xvicha joriy mavsum A Seriyada 12 ta gol va 12 ta golli uzatma, shuningdek, Chempionlar ligasida 2 ta gol va 4 ta golli uzatmani amalga oshirdi.
