«Наполи» бош мураббийи Лучано Спалетти неаполитанликлар президенти Аурелио Де Лаурентиснинг вингер Хвича Кварацхелия ва ҳимоячи Ким Мин Чже трансферларига шубҳа билан қараганини айтди.
«Де Лаурентис бу футболчиларни имзолашга шубҳа билан қараган. Биз шартнома имзолашдан олдин кечаси гаплашиб олгандик, чунки мен олдин Россияда ишлаганман, Квара ҳақида бироз кўпроқ билиш учун у ердаги дўстларимга қўнғироқ қилдим.
Де Лаурентис РПЛ ва А Серия ўртасидаги тафовутга шубҳа билан қаради, аммо ҳозирги кунларда футболда чегаралар юпқалашмоқда», - дея Спаллеттининг сўзларини келтиради TMW Radio.
Хвича жорий мавсум А Серияда 12 та гол ва 12 та голли узатма, шунингдек, Чемпионлар лигасида 2 та гол ва 4 та голли узатмани амалга оширди.
