Superliga turnir jadvalida peshqadamlik qilayotgan "Neftchi" jamoasi Farg‘onada jam bo‘ldi.
"Avval xabar berganimizdek, Superliganing "So‘g‘diyona"ga qarshi bellashuvidan so‘ng jamoamiz a’zolari 4-tur bahsiga tayyorgarlikni Toshkentda olib bordilar va bitta o‘rtoqlik-nazorat o‘yinida ishtirok etdilar. Bugun jamoamiz vakillari Farg‘onaga qaytib, tayyorgarlik jarayonini davom ettirishga kirishdilar. Farg‘ona tumanining "Yoshlarobod" stadionida mashg‘ulotlarni boshlash avvalida jamoamizning Rossiyalik murabbiyi Vladimir Yejurovning tavallud ayyomi munosabati bilan futbolchilar ikki tomonlama saf tortishib, xorijlik mutaxassisni o‘zgacha usulda olqishladilar" - deyiladi farg‘onaliklarning matbuot xizmati bergan xabarda.
