Суперлига турнир жадвалида пешқадамлик қилаётган "Нефтчи" жамоаси Фарғонада жам бўлди.

"Аввал хабар берганимиздек, Суперлиганинг "Сўғдиёна"га қарши беллашувидан сўнг жамоамиз аъзолари 4-тур баҳсига тайёргарликни Тошкентда олиб бордилар ва битта ўртоқлик-назорат ўйинида иштирок этдилар. Бугун жамоамиз вакиллари Фарғонага қайтиб, тайёргарлик жараёнини давом эттиришга киришдилар. Фарғона туманининг "Ёшларобод" стадионида машғулотларни бошлаш аввалида жамоамизнинг Россиялик мураббийи Владимир Ежуровнинг таваллуд айёми муносабати билан футболчилар икки томонлама саф тортишиб, хорижлик мутахассисни ўзгача усулда олқишладилар" - дейилади фарғоналикларнинг матбуот хизмати берган хабарда.