Turinning "Yuventus" klubi yarim himoyachisi Adriyen Rabyo faoliyatini Angliya Premyer-ligasida davom ettirishi mumkin.
ESPN bergan ma’lumotlarga ko‘ra, fransiyalik 27 yoshli yarim himoyachi xizmatlariga "Manchester Siti", "Liverpul" va "Manchester Yunayted" qiziqish bildirmoqda. Rabyo "byankonerilar" bilan yangi shartnoma borasida kelisha olmasa, Premyer-ligaga ko‘chib o‘tishga tayyor.
Transfermarkt portalida 30 million yevroga baholanayotgan xavbek joriy mavsumda 33 ta o‘yinda 9 ta gol urib, 4 ta golli uzatma bergan.