Xorvatiya terma jamoasi bosh murabbiyi Zlatko Dalich Yevro-2024 saralashi doirasidagi Uels bilan durang (1:1) haqida fikr bildirdi. Uelsliklar 90+3-daqiqada hisobni tenglashtirishdi.
"So‘nggi daqiqada gol o‘tkazib yuborish - bu shok. Ammo g‘alaba doimo ham bo‘lavermaydi, ba’zida yutasan, ba’zida yo‘q. Bizda vaziyatlar ko‘p bo‘ldi, ikkinchi golni urishimiz kerak edi, ammo ura olmadik. Ammo raqiblar ilk vaziyatidan gol urib ketdi", - deya Dalichning so‘zlarini keltiradi UYEFA sayti.
Keyingi o‘yinda Uels 28 mart kuni Latviya bilan, shu kuni Xorvatiya Turkiya bilan o‘ynaydi.