Хорватия терма жамоаси бош мураббийи Златко Далич Евро-2024 саралаши доирасидаги Уэльс билан дуранг (1:1) ҳақида фикр билдирди. Уэльсликлар 90+3-дақиқада ҳисобни тенглаштиришди.
"Сўнгги дақиқада гол ўтказиб юбориш - бу шок. Аммо ғалаба доимо ҳам бўлавермайди, баъзида ютасан, баъзида йўқ. Бизда вазиятлар кўп бўлди, иккинчи голни уришимиз керак эди, аммо ура олмадик. Аммо рақиблар илк вазиятидан гол уриб кетди", - дея Даличнинг сўзларини келтиради УЕФА сайти.
Кейинги ўйинда Уэльс 28 март куни Латвия билан, шу куни Хорватия Туркия билан ўйнайди.