"Chelsi" yarim himoyachisi NGolo Kante mavsum yakunida jamoani tark etishi mumkin, deya xabar berdi Todofichajes nashri.

Ma’lumotlarga ko‘ra, yaqindagina jarohatidan tuzalib qaytgan 30 yoshli fransuz xizmatiga Madridning "Atletiko" klubi qiziqish bildirmoqda. Agar Kante "Chelsi" bilan mavsum oxirigacha mo‘ljallangan shartnomasini yangilash borasida kelisha olmasa, "matraschilar" uni o‘z tarkibiga qo‘shib olishga tayyor.

Kante 2016 yildan buyon "Chelsi" safida harakat qilib kelmoqda. U London klubida jami 262 ta o‘yinda 13 ta gol urgan va sheriklariga 15 ta golli uzatma bergan.