"Bavariya" prezidenti Gerbert Xayner bosh murabbiy Yulian Nagelsmanning ishdan bo‘shatilishi va bu lavozimga Tomas Tuxelning tayinlanishiga izoh berdi.

"Ha, men yaqinda Yulian Nagelsmanni to‘liq qo‘llab-quvvatladim va uzoq muddatli loyiha haqida gapirdim. Uni yaratish mumkin deb umid qilgandim.

Tuxelni tayinlash, albatta, to‘g‘ri qaror. Ko‘p yillar oldin u bilan ishlamoqchi bo‘lgan edik, lekin bu amalga oshmay qolgandi. So‘nggi yillarda u Yevropaning yirik klublarida aql bovar qilmaydigan muvaffaqiyatlarga erisha olishini isbotladi. Tuxel Yevropadagi eng iqtidorli murabbiylardan biri ekanligi aniq.

Nagelsmann ajoyib murabbiy, ammo natija hammasidan ustun. "Bayer" bilan o‘yin (1:2) meni o‘ylantirdi. Albatta, Kan va Salixamidjich bilan uzoq vaqt maslahatlashdim. Natijada, mavsumdagi rejalarimizni amalga oshirish uchun reaksiyaga kirishishimiz kerak degan xulosaga keldik. Shukurki, bizda har uchala turnirda ham g‘alaba qozonish imkoniyati bor", — deydi Xayner.