"Бавария" президенти Герберт Хайнер бош мураббий Юлиан Нагельсманнинг ишдан бўшатилиши ва бу лавозимга Томас Тухелнинг тайинланишига изоҳ берди.

"Ҳа, мен яқинда Юлиан Нагельсманни тўлиқ қўллаб-қувватладим ва узоқ муддатли лойиҳа ҳақида гапирдим. Уни яратиш мумкин деб умид қилгандим.

Тухелни тайинлаш, албатта, тўғри қарор. Кўп йиллар олдин у билан ишламоқчи бўлган эдик, лекин бу амалга ошмай қолганди. Сўнгги йилларда у Европанинг йирик клубларида ақл бовар қилмайдиган муваффақиятларга эриша олишини исботлади. Тухель Европадаги энг иқтидорли мураббийлардан бири эканлиги аниқ.

Нагельсманн ажойиб мураббий, аммо натижа ҳаммасидан устун. "Байер" билан ўйин (1:2) мени ўйлантирди. Албатта, Кан ва Салихамиджич билан узоқ вақт маслаҳатлашдим. Натижада, мавсумдаги режаларимизни амалга ошириш учун реакцияга киришишимиз керак деган хулосага келдик. Шукурки, бизда ҳар учала турнирда ҳам ғалаба қозониш имконияти бор", — дейди Хайнер.