Madridning "Real" klubi darvozaboni Tibo Kurtua o‘zining hozirgi jamoasini futbolchi avval o‘ynagan "Chelsi" va "Atletiko" klublari bilan solishtirdi.
Eslatib o‘tamiz, belgiyalik posbon ushbu jamoalar tarkibida Angliya va Ispaniya chempionatlarida zafar quchgan.
"Men "Atletiko" va "Chelsi" kabi buyuk jamoalarda o‘ynash baxtiga muyassar bo‘ldim, ammo "Real" - dunyodagi eng yaxshi klub. Qayerga bormang, hamma sizni taniydi va istalgan turnirda g‘alaba qozonganingiz bilan tabriklaydi. Bu shunchaki boshqa daraja" - dedi Kurtua Vanity Fair Espana bilan suhbatda.
Chempionlar ligasining chorak finalida Kurtua sobiq jamoasi “Chelsi” bilan to‘qnash keladi.
