Karlo Anchelotti kelasi mavsumda "Real" bosh murabbiyi bo‘lib qolishi sharti aytildi. Relevo xabariga ko‘ra, "Qirollik klubi" joriy mavsumda Chempionlar ligasida g‘olib chiqsa, italiyalik mutaxassis o‘z ishini saqlab qoladi.
Eng nufuzli yevrokubokning chorak finalida Madridning “Real” klubi tez orada Londonning “Chelsi” jamoasi bilan kuch sinashadi. Yarim finalga chiqsa, Karlo Anchelotti shogirdlari "Manchester Siti" - "Bavariya" juftligi g‘olibi bilan uchrashadi.
Eslatib o‘tamiz, o‘tgan mavsumda Anchelotti "Real Madrid" bilan Chempionlar ligasining 14-kubogini qo‘lga kiritishga muvaffaq bo‘lgandi. Avvalroq, agar Karlo ishdan bo‘shatilsa, uning o‘rniga katta ehtimol bilan Maurisio Pochettino kelishi xabar qilingandi.
