Карло Анчелотти келаси мавсумда "Реал" бош мураббийи бўлиб қолиши шарти айтилди. Relevo хабарига кўра, "Қироллик клуби" жорий мавсумда Чемпионлар лигасида ғолиб чиқса, италиялик мутахассис ўз ишини сақлаб қолади.
Энг нуфузли еврокубокнинг чорак финалида Мадриднинг “Реал” клуби тез орада Лондоннинг “Челси” жамоаси билан куч синашади. Ярим финалга чиқса, Карло Анчелотти шогирдлари "Манчестер Сити" - "Бавария" жуфтлиги ғолиби билан учрашади.
Эслатиб ўтамиз, ўтган мавсумда Анчелотти "Реал Мадрид" билан Чемпионлар лигасининг 14-кубогини қўлга киритишга муваффақ бўлганди. Аввалроқ, агар Карло ишдан бўшатилса, унинг ўрнига катта эҳтимол билан Маурисио Почеттино келиши хабар қилинганди.
