Himoyachi Jordi Alba kelasi yozda «Barselona»ni tark etishi mumkin.

O‘tgan yili kataloniyaliklar allaqachon tajribali o‘yinchi bilan xayrlashishga harakat qilgan, chunki uning yuqori maoshi klub uchun muammo bo‘lgan, ammo keyin bu rejani amalga oshirib bo‘lmadi.

Todofichajesning so‘zlariga ko‘ra, 34 yoshli Alba «Atletiko»ga o‘tish imkoniyatiga ega. Madridliklar futbolchiga ikki yillik shartnoma taklif qilishga tayyor. Uning shartlariga ko‘ra, Jordi hozirgiga nisbatan kamroq maosh olishi kerak.

Jordi Alba 2012 yilning yozidan buyon «Barselona»da o‘ynamoqda. O‘shandan beri himoyachi kataloniyaliklar safida 451 ta o‘yin o‘tkazib, 26 ta gol urgan va 99 ta golga assistentlik qilgan.