David Silvaning "Real Sosyedad" bilan amaldagi shartnomasi joriy mavsum oxirigacha amal qiladi. Todofichajes nashriga ko‘ra, "Las-Palmas" o‘z safida tajribali yarim himoyachini ko‘rmoqchi. Klub allaqachon 37 yoshli Silva uchun 1+1 shartnoma taklifini tayyorlamoqda.
"Las-Palmas" hozirda Segundada uchinchi o‘rinda bormoqda va Ispaniya oliy divizioniga chiqishi mumkin. Shu bilan birga, klub La Ligaga chiqa olmagan taqdirda ham Silvaga taklif bilan chiqishi mumkin.
2022/2023 yilgi mavsumda David Silva "Real Sosyedad" safida 25 ta o‘yin o‘tkazdi. Ularda yarim himoyachi ikkita gol urdi va sheriklariga oltita golli uzatma berdi.