Давид Силванинг "Реал Сосьедад" билан амалдаги шартномаси жорий мавсум охиригача амал қилади. Todofichajes нашрига кўра, "Лас-Пальмас" ўз сафида тажрибали ярим ҳимоячини кўрмоқчи. Клуб аллақачон 37 ёшли Силва учун 1+1 шартнома таклифини тайёрламоқда.
"Лас-Пальмас" ҳозирда Сегундада учинчи ўринда бормоқда ва Испания олий дивизионига чиқиши мумкин. Шу билан бирга, клуб Ла Лигага чиқа олмаган тақдирда ҳам Силвага таклиф билан чиқиши мумкин.
2022/2023 йилги мавсумда Давид Силва "Реал Сосьедад" сафида 25 та ўйин ўтказди. Уларда ярим ҳимоячи иккита гол урди ва шерикларига олтита голли узатма берди.
