"Bavariya" "Atalanta" va Daniya terma jamoasi hujumchisi Rasmus Xoylundga qiziqish bildirmoqda.
Tuttomercatoweb xabariga ko‘ra, 20 yoshli futbolchi boshqa klubga o‘tishga tayyor. "Bavariya" uni qo‘lga kiritish uchun "Yuventus" bilan raqobatlashadi.
Qayd etilishicha, italyan klubi uzoq vaqtdan beri daniyalik futbolchini kuzatib kelmoqda va uni sotib yuborilishi mumkin bo‘lgan Dushan Vlaxovichning o‘rniga ko‘rmoqda. Ammo Robert Levandovskining o‘rnini bosa olmagan "Bavariya" yangi hujumchiga ko‘proq muhtojdir va taxminlarga ko‘ra, yangi bosh murabbiy Tomas Tuxel Xoylundga e’tibor qaratgan bo‘lishi mumkin.
Hujumchi 2022 yilning yozidan buyon “Atalanta”da to‘p surmoqda. Uning amaldagi shartnomasi 2027 yilning iyunigacha amal qiladi.
Joriy mavsumda Xoylund klub safida barcha turnirlar doirasida 25 ta o‘yinda maydonga tushib, 8 ta gol urdi va 2 ta golli uzatmani amalga oshirdi. Transfermarkt ma’lumotlariga ko‘ra, futbolchining narxi 35 million yevroni tashkil qiladi.
