"Barselona" yozgi transfer oynasida o‘ng qanotini kuchaytirishni rejalashtirmayapti.
Avvalroq aynan mana shu pozisiya mavsum yakunlanganidan keyin kuchaytirilishi kerak bo‘lgan zaif nuqtalardan biri deb qaralardi, ammo Kataloniya grandining moliyaviy ahvoli rahbariyatni rejalarni qayta ko‘rib chiqishga majbur qildi. Jurnalist Luis Roxoning so‘zlariga ko‘ra, "Barselona" moliyaviy feyr-pley bilan bog‘liq muammolar tufayli endi yangi o‘ng qanot himoyachisini xarid qilmoqchi emas. Klub e’tiborini boshqa kelishuvlarga qaratishi mumkin.
Bu mavsumda Serxi Roberto va Jyul Kunde ko‘pincha himoyaning o‘ng qanotida harakat qilmoqda.