"Inter" hujumchisi Romelu Lukaku har qanday holatda ham hozirgi jamoasida qolishga qaror qildi.
Joriy mavsumda Lukaku “Inter”da Londonning “Chelsi” klubidan ijara asosida o‘ynamoqda. Muammo shundaki, “neradzurrilar” futbolchini doimiy ravishda qo‘lga kiritish yoki hatto ijara muddatini uzaytirish niyatida ham emas, chunki belgiyalik futbolchining ushbu davrdagi harakatlaridan klub rahbariyati hayratga tushmadi.
Lukaku Italiya chempionatida atigi 3 ta gol va bitta golli uzatmaga ega. Belgiyalik futbolchi turli jarohatlar tufayli mavsumning birinchi yarmining katta qismini o‘tkazib yubordi. "Chelsi" ham hozirda hujumchini o‘z tarkibida ko‘rmoqchi emas.