"Интер" ҳужумчиси Ромелу Лукаку ҳар қандай ҳолатда ҳам ҳозирги жамоасида қолишга қарор қилди.
Жорий мавсумда Лукаку “Интер”да Лондоннинг “Челси” клубидан ижара асосида ўйнамоқда. Муаммо шундаки, “нерадзуррилар” футболчини доимий равишда қўлга киритиш ёки ҳатто ижара муддатини узайтириш ниятида ҳам эмас, чунки бельгиялик футболчининг ушбу даврдаги ҳаракатларидан клуб раҳбарияти ҳайратга тушмади.
Лукаку Италия чемпионатида атиги 3 та гол ва битта голли узатмага эга. Бельгиялик футболчи турли жароҳатлар туфайли мавсумнинг биринчи ярмининг катта қисмини ўтказиб юборди. "Челси" ҳам ҳозирда ҳужумчини ўз таркибида кўрмоқчи эмас.