Mundo Deportivo xabariga ko‘ra, "PSJ" yulduz hujumchini o‘z safida saqlab qolish uchun harakat qilishda davom etadi. Qatar amiri Tamim ibn Hamad al-Tani haqiqatan ham Messi bilan shartnoma uzaytirilishiga erishmoqchi. U hatto Lionelning maoshini oshirishga ruxsat berdi. Qatar va Parij bu muzokaralar jarayoniga yordam beradi, deb umid qilmoqda.
Shuningdek, "PSJ" Messiga bir yildan ko‘proq shartnoma berishga tayyorligi qayd etilgan.
Lionel jamoaning so‘nggi ikki mavsumda Chempionlar ligasini erta tark etgani uchun "PSJ"ning sport loyihasiga shubha bilan qaramoqda. Messining fikricha, bunday iqtisodiy salohiyatga ega klub har yili har bir musobaqada g‘alaba qozonishga intilishi kerak.