Mundo Deportivo хабарига кўра, "ПСЖ" юлдуз ҳужумчини ўз сафида сақлаб қолиш учун ҳаракат қилишда давом этади. Қатар амири Тамим ибн Ҳамад ал-Тани ҳақиқатан ҳам Месси билан шартнома узайтирилишига эришмоқчи. У ҳатто Лионелнинг маошини оширишга рухсат берди. Қатар ва Париж бу музокаралар жараёнига ёрдам беради, деб умид қилмоқда.
Шунингдек, "ПСЖ" Мессига бир йилдан кўпроқ шартнома беришга тайёрлиги қайд этилган.
Лионель жамоанинг сўнгги икки мавсумда Чемпионлар лигасини эрта тарк этгани учун "ПСЖ"нинг спорт лойиҳасига шубҳа билан қарамоқда. Мессининг фикрича, бундай иқтисодий салоҳиятга эга клуб ҳар йили ҳар бир мусобақада ғалаба қозонишга интилиши керак.
