"Manchester Siti" bosh murabbiyi Xosep Gvardiola jamoasining Angliya Premyer-ligasi chempionligi uchun kurashdagi imkoniyatlari haqida gapirdi.

27 ta uchrashuvda maydonga tushgan “shaharliklar” 61 ochko jamg‘argan. Turnir jadvalida peshqadamlik qilayotgan “Arsenal” bir o‘yin ko‘proq o‘tkazib, 69 ochko jamg‘argan. Gvardiolaning so‘zlariga ko‘ra, uning jamoasi uchun “kanonirlar”dan oldinga o‘tish juda qiyin bo‘ladi: “Agar chempionatda qolgan barcha o‘yinlarda g‘alaba qozona olmasak, chempion bo‘la olmaymiz”, — dedi ispaniyalik mutaxassis.

Shanba kuni Xosep Gvardiola shogirdlari o‘z maydonida "Liverpul"ga qarshi bahs olib boradi.