"Манчестер Сити" бош мураббийи Хосеп Гвардиола жамоасининг Англия Премьер-лигаси чемпионлиги учун курашдаги имкониятлари ҳақида гапирди.
27 та учрашувда майдонга тушган “шаҳарликлар” 61 очко жамғарган. Турнир жадвалида пешқадамлик қилаётган “Арсенал” бир ўйин кўпроқ ўтказиб, 69 очко жамғарган. Гвардиоланинг сўзларига кўра, унинг жамоаси учун “канонирлар”дан олдинга ўтиш жуда қийин бўлади: “Агар чемпионатда қолган барча ўйинларда ғалаба қозона олмасак, чемпион бўла олмаймиз”, — деди испаниялик мутахассис.
Шанба куни Хосеп Гвардиола шогирдлари ўз майдонида "Ливерпуль"га қарши баҳс олиб боради.
