"Liverpul" bosh murabbiyi Yurgen Klopp klubning transfer rejalari haqida gapirdi.
Mersisaydliklar uchun joriy mavsum nihoyatda omadsiz o‘tmoqda va o‘zingizga ma’lumki, klub yozgi transfer oynasida tarkibni jiddiy ravishda kuchaytirishni rejalashtirgan.
“Bir futbolchi uchun 100 million funt? Biz bunday narsalar haqida gapirmaymiz. Faqat shuni aytishim mumkinki, biz bu yozda pul sarflashimiz kerak. Bunga hech qanday shubha yo‘q. Klub buni amalga oshiradi, ammo hozir u qancha va kim uchun to‘lanishi haqida gapirishning hojati yo‘q", - deya Kloppning so‘zlaridan iqtibos keltirgan Fabrisio Romano.
Virjil van Deyk "Liverpul" uchun rekord xarid bo‘lib qolmoqda - 84,6 million yevro. O‘tgan yozda sotib olingan Darvin Nunyes klubga 80 million funtga tushdi.
