Fransiyalik sobiq futbolchi Jerom Roten «Napoli» hujumchisi Viktor Osimxenning «PSJ»ga o‘tishi mumkinligi haqidagi fikrlarini aytdi.
24 yoshli futbolchi 23 ta o‘yinda 21 ta gol bilan A Seriyaning eng yaxshi to‘purari hisoblanadi. Mish-mishlarga ko‘ra, nigeriyalik futbolchining yozgi transfer maqsadlaridan biri «PSJ»dir.
«Osimxen hozirda Yevropaning eng yaxshi hujumchilaridan biri, ammo uning «PSJ»ga o‘tishi men uchun shubhali qarordek tuyulmoqda.
Ha, Kampush va Galtye uni «Lill»dalik paytidanoq bilishadi, lekin bu uning Parijda ham xuddi shunday yaxshi bo‘lishini anglatmaydi.
«Lill»dan ko‘chib o‘tgan, lekin o‘zini umuman ko‘rsatmagan Sanchesning misoli bor», - deya Rotenning so‘zlarini keltiradi TMW.