Франциялик собиқ футболчи Жером Ротен «Наполи» ҳужумчиси Виктор Осимхеннинг «ПСЖ»га ўтиши мумкинлиги ҳақидаги фикрларини айтди.
24 ёшли футболчи 23 та ўйинда 21 та гол билан А Сериянинг энг яхши тўпурари ҳисобланади. Миш-мишларга кўра, нигериялик футболчининг ёзги трансфер мақсадларидан бири «ПСЖ»дир.
«Осимхен ҳозирда Европанинг энг яхши ҳужумчиларидан бири, аммо унинг «ПСЖ»га ўтиши мен учун шубҳали қарордек туюлмоқда.
Ҳа, Кампуш ва Галтье уни «Лилл»далик пайтиданоқ билишади, лекин бу унинг Парижда ҳам худди шундай яхши бўлишини англатмайди.
«Лилл»дан кўчиб ўтган, лекин ўзини умуман кўрсатмаган Санчеснинг мисоли бор», - дея Ротеннинг сўзларини келтиради TMW.