«Arsenal» vingeri Bukayo Saka APLning mart oyidagi eng yaxshi futbolchisi deb topildi, deb xabar beradi APL sayti.

U o‘tgan oy «Arsenal» safida 4 ta o‘yin o‘tkazib, 3 ta gol urdi va ikkita golli uzatmani amalga oshirdi.

Eslatib o‘tamiz, avvalroq 21 yoshli futbolchi klubning eng ko‘p maosh oluvchi futbolchisiga aylanishi haqida xabar berilgandi: uning maoshi to‘rt barobarga oshiriladi - haftasiga 340 ming yevrogacha. Tomonlar yangi kelishuvni e’lon qilishga tayyor.

Bukayo Saka «Arsenal» tarbiyalanuvchisi hisoblanadi. U joriy mavsumda 38 ta o‘yinda maydonga tushib, 13 ta gol va 10 ta golli uzatmani amalga oshirgan. Tomonlar o‘rtasidagi amaldagi shartnoma 2024 yilning yozida yakuniga yetadi.