«Арсенал» вингери Букайо Сака АПЛнинг март ойидаги энг яхши футболчиси деб топилди, деб хабар беради АПЛ сайти.
У ўтган ой «Арсенал» сафида 4 та ўйин ўтказиб, 3 та гол урди ва иккита голли узатмани амалга оширди.
Эслатиб ўтамиз, аввалроқ 21 ёшли футболчи клубнинг энг кўп маош олувчи футболчисига айланиши ҳақида хабар берилганди: унинг маоши тўрт баробарга оширилади - ҳафтасига 340 минг еврогача. Томонлар янги келишувни эълон қилишга тайёр.
Букайо Сака «Арсенал» тарбияланувчиси ҳисобланади. У жорий мавсумда 38 та ўйинда майдонга тушиб, 13 та гол ва 10 та голли узатмани амалга оширган. Томонлар ўртасидаги амалдаги шартнома 2024 йилнинг ёзида якунига етади.
