Миланнинг «Интер» клуби раҳбарияти марказий ҳимоячи Алессандро Бастонининг трансфер қийматини эълон қилди.

«Нерадзурри»лар 27 ёшли футболчисини қўйиб юбориш вариантини кўриб чиқишга тайёр, бироқ бунинг учун потенциал харидор камида 70 миллион евро тўлаши шарт. Бу ҳақда AS нашрига таянган ҳолда Transfer News Live хабар тарқатди. Италиялик ҳимоячини ўз сафига қўшиб олишга Мадриднинг «Реал» клуби жиддий қизиқиш билдирмоқда. «Қаймоқранглилар»нинг янги бош мураббийи Жозе Моуриньо ушбу футболчининг иқтидори ва ҳимоядаги маҳоратини жуда юқори баҳоламоқда.

«Интер» раҳбарияти бўлажак харидорларга ҳеч қандай ён босмаслигини ва нархни туширмаслигини аниқ тушунтириб қўйган. Бундан ташқари, матбуотда Милан гранди ўз юлдузи билан амалдаги шартномани узайтириб, унга узоқ муддатли янги битим таклиф қилишни режалаштираётгани ҳақида ҳам хабарлар тез-тез пайдо бўлмоқда.