"Atletik Bilbao"ga tegishli bo‘lgan hujumkor yarim himoyachi Niko Uilyams Angliya Premyer-ligasining top-klubida o‘ynash imkoniyatiga ega. AS jurnalistlarining xabariga ko‘ra, 20 yoshli vingerga "Liverpul" qiziqish bildirmoqda.

Mersisaydliklar yozgi transfer oynasida ispaniyalik futbolchi bilan kuchayishi mumkin. Mumkin bo‘lgan tranzaksiya summasi 50 million yevroga baholanmoqda.

Ispaniya chempionatining joriy mavsumida Niko 26 uchrashuvda ishtirok etib, 4 ta gol urdi va 4 ta golli uzatmani amalga oshirdi.