Dortmundning "Borussiya" klubi bosh murabbiyi Edin Terzich "Bavariya"ga qarshi o‘yindan so‘ng OAVga o‘z fikrlarini bildirib o‘tdi.

“Birinchi 15 daqiqani yaxshi o‘tkazdik, deyish ahmoqlik bo‘lardi. Jamoa o‘z xatolariga munosabat bildirish uchun uzoq vaqt talab qildi. Raqib juda tez orada hisobni 0:3 ko‘rinishiga keltirdi.

Tanaffusdan so‘ng biz qayta qurishga muvaffaq bo‘ldik. Juda achinarli mag‘lubiyat, biz uyga yomon kayfiyatda ketyapmiz. Bu o‘yin uchun bizda butunlay boshqacha rejalar bor edi", - deya mutaxassisning so‘zlaridan iqtibos keltiradi klub matbuot xizmati.

G‘alaba evaziga “Bavariya” “Borussiya”dan ikki ochkoga o‘zib ketdi va Bundesliga turnir jadvalida peshqadamlikka erishdi.