Дортмунднинг "Боруссия" клуби бош мураббийи Эдин Терзич "Бавария"га қарши ўйиндан сўнг ОАВга ўз фикрларини билдириб ўтди.
“Биринчи 15 дақиқани яхши ўтказдик, дейиш аҳмоқлик бўларди. Жамоа ўз хатоларига муносабат билдириш учун узоқ вақт талаб қилди. Рақиб жуда тез орада ҳисобни 0:3 кўринишига келтирди.
Танаффусдан сўнг биз қайта қуришга муваффақ бўлдик. Жуда ачинарли мағлубият, биз уйга ёмон кайфиятда кетяпмиз. Бу ўйин учун бизда бутунлай бошқача режалар бор эди", - дея мутахассиснинг сўзларидан иқтибос келтиради клуб матбуот хизмати.
Ғалаба эвазига “Бавария” “Боруссия”дан икки очкога ўзиб кетди ва Бундеслига турнир жадвалида пешқадамликка эришди.
