Superliganing 4-turidan o‘rin olgan “Bunyodkor” – “Turon” (0:0) uchrashuvidan so‘ng mezbonlar bosh murabbiyi Murod Otajonov o‘z fikrlarini bildirib o‘tdi.
“Himoyalanish hujum qilishga nisbatan osonroq. Shu sabab biroz qiynaldik. Bugun kim gol kiritsa, o‘sha g‘alabani ilib ketishi mumkin edi. O‘yin shuni ko‘rsatdiki, hali o‘z ustimizda ishlashimiz kerak.
Futbolchilar xotirjamlikka berildimi? Bo‘lishi mumkin. Qatorasiga 3 ta uchrashuvda g‘alaba qozonib kelganimiz sabab ular xotirjam harakat qilgan bo‘lishlari mumkin. Bu psixologiya bilan bog‘liq va bu borada ham ishlar olib borishimiz lozim.
Menimcha, bizdan hech kim bunday yaxshi startni kutmagan edi. Biz yaxshi jamoa shakllantirdik. Yoshlar va tajribali futbolchilar uyg‘unligi bizga ushbu natijalarni keltirmoqda”, – dedi Otajonov
