Jamoadagi o‘rnini yo‘qotgan "Aston Villa" yarim himoyachisi Filippe Koutinyo yozgi transfer oynasida klubini o‘zgartirishi mumkin. Bu haqda Football Insider xabar bermoqda.
Manba bergan xabarga ko‘ra, braziliyalik yarim himoyachi faoliyatini Saudiya Arabistoni chempionatida davom ettirish imkoniyatiga ega. Koutinyoning potensial klubi nomi hozircha oshkor etilmagan.
Filippe joriy mavsum Angliya Premyer-ligasida 20 ta o‘yinda maydonga tushib, bitta gol urdi.
30 yoshli braziliyalikning birmingemliklar bilan shartnomasi 2026 yilning yoziga qadar mo‘ljallangan. Uning transfer narxi 14 million yevroga baholanmoqda.