Londonning “Arsenal” klubi ukrainalik himoyachi Aleksandr Zinchenkoni “Milan” fransiyalik futbolchi Teo Ernandesga almashtirishi mumkin. Bu haqda Calciomercato xabar bermoqda.

Manbaga ko‘ra, "Arsenal" bosh murabbiyi Mikel Arteta Ernandesning xaridi orqali jamoaning chap qanot himoyasi pozisiyasini mustahkamlamoqchi. "Kanonirlar" "Milan"ga fransiyalik himoyachi uchun Zinchenko va Kiran Tiyerni juftligidan birini va 70-80 million yevro taklif qilishni rejalashtirmoqda. Ta’kidlanishicha, milanliklar bunday taklifga rozi bo‘lishlari dargumon, chunki ular shartnomani uzaytirmoqchi.

Eslatib o‘tamiz, Zinchenko “Arsenal” safiga faqat 2022 yilning yozida “Manchester Siti”dan ko‘chib o‘tgan edi.