Лондоннинг “Арсенал” клуби украиналик ҳимоячи Александр Зинченкони “Милан” франциялик футболчи Тео Эрнандесга алмаштириши мумкин. Бу ҳақда Calciomercato хабар бермоқда.
Манбага кўра, "Арсенал" бош мураббийи Микель Артета Эрнандеснинг хариди орқали жамоанинг чап қанот ҳимояси позициясини мустаҳкамламоқчи. "Канонирлар" "Милан"га франциялик ҳимоячи учун Зинченко ва Киран Тиерни жуфтлигидан бирини ва 70-80 миллион евро таклиф қилишни режалаштирмоқда. Таъкидланишича, миланликлар бундай таклифга рози бўлишлари даргумон, чунки улар шартномани узайтирмоқчи.
Эслатиб ўтамиз, Зинченко “Арсенал” сафига фақат 2022 йилнинг ёзида “Манчестер Сити”дан кўчиб ўтган эди.
