"Liverpul" bosh murabbiyi Yurgen Klopp "Chelsi" yarim himoyachisi Meyson Mauntni o‘z jamoasida ko‘rmoqchi. Jurnalist Nil Jonsning so‘zlariga ko‘ra, germaniyalik mutaxassis angliyalikning iqtidoriga qoyil qolgan.
Batafsilroq aytganda, Maunt Kloppni harakatlari, aql-zakovati, texnikasi va taktik moslashuvchanligi bilan o‘ziga tortadi. Eslatib o‘tamiz, yarim himoyachi Londonning "Chelsi" klubi bilan 2024 yilning yozida tugaydigan shartnomasini hali uzaytirgani yo‘q. Biroq, Grem Potterning ishdan bo‘shatilishi va yangi murabbiyning kelishi Meysonga o‘zi xohlagan shartlar bo‘yicha yangi shartnoma tuzishga yordam berishi mumkin.
Maunt bu mavsumda Premyer-ligada 3 ta gol urdi va ikkita golli uzatmani amalga oshirdi.
