"Ливерпуль" бош мураббийи Юрген Клопп "Челси" ярим ҳимоячиси Мэйсон Маунтни ўз жамоасида кўрмоқчи. Журналист Нил Жонснинг сўзларига кўра, германиялик мутахассис англияликнинг иқтидорига қойил қолган.

Батафсилроқ айтганда, Маунт Клоппни ҳаракатлари, ақл-заковати, техникаси ва тактик мослашувчанлиги билан ўзига тортади. Эслатиб ўтамиз, ярим ҳимоячи Лондоннинг "Челси" клуби билан 2024 йилнинг ёзида тугайдиган шартномасини ҳали узайтиргани йўқ. Бироқ, Грэм Поттернинг ишдан бўшатилиши ва янги мураббийнинг келиши Мэйсонга ўзи хоҳлаган шартлар бўйича янги шартнома тузишга ёрдам бериши мумкин.

Маунт бу мавсумда Премьер-лигада 3 та гол урди ва иккита голли узатмани амалга оширди.