Germaniya terma jamoasi va Myunxenning “Bavariya” klubi sobiq himoyachisi Lotar Matteus Myunxen jamoasi bosh murabbiyi Yulian Nagelsmanning iste’fosiga munosabat bildirdi.
"Bavariya" Tomas Tuxel bilan ancha oldin kelishib olgandi. Men klubda ko‘p odamlarni bilaman, shuning uchun bu yangilik men uchun kutilmagan bo‘lmadi. Men ulardan hammasi qanday sodir bo‘lganini bilib oldim", - dedi sobiq futbolchi.
Tuxel 25 mart kuni “Bavariya” bosh murabbiyi lavozimini egalladi. 49 yoshli mutaxassis va myunxenliklar klubi o‘rtasida 2025 yilning o‘rtalariga qadar shartnoma imzolangan.
Yangi murabbiy boshchiligidagi debyut uchrashuvida “Bavariya” Dortmundning “Borussiya” klubi ustidan yirik 4:2 hisobida g‘alaba qozondi.
