Германия терма жамоаси ва Мюнхеннинг “Бавария” клуби собиқ ҳимоячиси Лотар Маттеус Мюнхен жамоаси бош мураббийи Юлиан Нагельсманнинг истеъфосига муносабат билдирди.
"Бавария" Томас Тухель билан анча олдин келишиб олганди. Мен клубда кўп одамларни биламан, шунинг учун бу янгилик мен учун кутилмаган бўлмади. Мен улардан ҳаммаси қандай содир бўлганини билиб олдим", - деди собиқ футболчи.
Тухель 25 март куни “Бавария” бош мураббийи лавозимини эгаллади. 49 ёшли мутахассис ва мюнхенликлар клуби ўртасида 2025 йилнинг ўрталарига қадар шартнома имзоланган.
Янги мураббий бошчилигидаги дебют учрашувида “Бавария” Дортмунднинг “Боруссия” клуби устидан йирик 4:2 ҳисобида ғалаба қозонди.
