“Fulxem” hujumchisi Aleksandr Mitrovich Angliya kubogi chorak finalida “Manchester Yunayted”ga qarshi o‘yinda maydondan chetlatilgani uchun 8 o‘yinga diskvalifikasiya qilindi.

28 yoshli serbiyalik hujumchi o‘yinning 72-daqiqasida hakam Kris Kavanani turtib yuborgani uchun to‘g‘ridan-to‘g‘ri qizil kartochka olgandi. Futbol assosiasiyasi (FA) Mitrovichning holatida standart 3 o‘yinlik diskvalifikasiyani yetarli emas deb hisobladi.

Joriy mavsumda Mitrovich yozgi londonliklar safida barcha turnirlarda 25 ta o‘yin o‘tkazib, 12 ta gol va 4 ta golli uzatmani amalga oshirdi.