“Фулхэм” ҳужумчиси Александр Митрович Англия кубоги чорак финалида “Манчестер Юнайтед”га қарши ўйинда майдондан четлатилгани учун 8 ўйинга дисквалификация қилинди.
28 ёшли сербиялик ҳужумчи ўйиннинг 72-дақиқасида ҳакам Крис Каванани туртиб юборгани учун тўғридан-тўғри қизил карточка олганди. Футбол ассоциацияси (ФА) Митровичнинг ҳолатида стандарт 3 ўйинлик дисквалификацияни етарли эмас деб ҳисоблади.
Жорий мавсумда Митрович ёзги лондонликлар сафида барча турнирларда 25 та ўйин ўтказиб, 12 та гол ва 4 та голли узатмани амалга оширди.
