Angliya chempionatining 7-turidan o‘rin olgan qoldirilgan o‘yinda «Bornmut» «Brayton» bilan to‘qnash keldi va ikki to‘p farqi bilan mag‘lub bo‘ldi.
Ushbu uchrashuvdagi ikkinchi golni o‘yin tugashiga yigirma daqiqa qolganida zaxiradan maydonga tushgan paragvaylik hujumchi Xulio Ensiso kiritdi.
«Meni qo‘llab-quvvatlagan insonlardan juda minnatdorman. Endi bizni shanba kuni o‘ta muhim o‘yin kutib turibdi. Biz Yevropaning nufuzli turnirlariga kirishni xohlaymiz», - dedi Ensiso.
Keyingi turda «Brayton» Londonning «Tottenxem» jamoasi bilan mehmonda o‘ynaydi, bu 8 aprel kuni bo‘lib o‘tadi.
