Англия чемпионатининг 7-туридан ўрин олган қолдирилган ўйинда «Борнмут» «Брайтон» билан тўқнаш келди ва икки тўп фарқи билан мағлуб бўлди.
Ушбу учрашувдаги иккинчи голни ўйин тугашига йигирма дақиқа қолганида захирадан майдонга тушган парагвайлик ҳужумчи Хулио Энсисо киритди.
«Мени қўллаб-қувватлаган инсонлардан жуда миннатдорман. Энди бизни шанба куни ўта муҳим ўйин кутиб турибди. Биз Европанинг нуфузли турнирларига киришни хоҳлаймиз», - деди Энсисо.
Кейинги турда «Брайтон» Лондоннинг «Тоттенхэм» жамоаси билан меҳмонда ўйнайди, бу 8 апрель куни бўлиб ўтади.
