Myunxenning "Bavariya" klubi bosh murabbiyi Tomas Tuxel Germaniya kubogi chorak finalida "Frayburg" jamoasidan uchralgan mag‘lubiyat (1:2) sabablari haqida gapirdi.

"Frayburg" ikkita zarbadan ikkita gol urdi. Raqibning boshqa gol urish imkoniyatlarini eslay olmayman. Bizda yaxshi imkoniyatlar bo‘ldi, lekin doim nimadir yetishmayapti: oxirgi pas, to‘g‘ri qaror, aniqlik. Raqiblar juda chuqur himoyalanishdi, shuning uchun biz ularga bosim o‘tkazishda davom eta olmadik.

Biz oldinga chiqib oldik, keyin yana 2-3 ta imkoniyatga ega bo‘ldik, ayniqsa Tomas Myullerda yaxshi imkoniyat bo‘ldi. Ammo biz faqat o‘zimizni ayblashimiz kerak. O‘z uyida chorak final bosqichida turnirdan uchib ketish - katta umidsizlik.

Biz birga g‘alaba qozonamiz va birga mag‘lub bo‘lamiz. Ha, murabbiylar shtabimda vaqt kam edi, lekin men mas’uliyatni his qilaman. Nima xato bo‘lganini tahlil qilib, keyingi o‘yinga tayyorgarlik ko‘rishimiz kerak", - dedi Tuxel.