Luis Enrike «Chelsi» bilan ehtimoliy hamkorlikni muhokama qildi.
Jurnalist Jerar Romero bugun ispaniyalik mutaxassis Londonga «Chelsi» rahbariyati bilan bosh murabbiy tayinlanishi masalasini muhokama qilish uchun ketganini aytdi.
Chempionlar ligasi doirasida «Real»ga qarshi o‘yinlardayoq Enrike jamoani boshqarishi mumkin, deb yozadi Marca. Hammasi murabbiy va «Chelsi» egasi Todd Boeli o‘rtasidagi uchrashuv natijasiga bog‘liq bo‘ladi.
Qayd etilishicha, «Chelsi»ning qishki transferlari va jamoaning raqobatbardosh tarkibi Enrikeni klub taklifini o‘rganishga undagan omillardan biri bo‘lgan.
