Londonning “Arsenal” klubi “Volfsburg” va Germaniya terma jamoasi himoyachisi Ridl Bakuga qiziqish bildirmoqda, deya xabar beradi Sportwitness.
Manbaning xabariga ko‘ra, ingliz klubi yozgi transfer oynasida futbolchini sotib olish variantini ko‘rib chiqmoqda.
Joriy mavsumda 24 yoshli Baku “Volfsburg” safida barcha turnirlar doirasida 29 ta o‘yinda maydonga tushib, 5 ta gol urdi va bitta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.